Како вашето CV да се истакне од другите
Ако сакате да добивате интервјуа за работа, тогаш е од клучно значење вашето CV да се издвојува од толпата и да ги убедува регрутерите дека сте извонреден кандидат.
Но, во време на тешка конкуренција на пазарот на труд, како да го издвоите вашето CV?
Со следење на едноставните чекори наведени подолу, можете да комбинирате професионално форматирање и привлечна содржина за да создадете ефективно CV што ќе се издвои од другите.
1. Направете инстантно влијание со оптимизирана горна секција
Доколку сакате да се осигурате дека вашето CV е целосно прочитано, треба да го привлечете вниманието на регрутерите од моментот кога ќе се отвори вашето CV.
Горниот квартал на вашето CV е првото нешто што читателот ќе го види кога ќе го отвори документот - погледнете подолу.
Ако регрутерите не ги видат барањата потребни за нивното слободно работно место на врвот на вашето CV, тие може само да го затворат и да преминат на следното CV во нивното сандаче.
Треба да го оптимизирате горниот квартал на вашето CV, да ги содржи сите вештини и искуство што се потребни за вашите целни улоги - на овој начин вашето CV ќе се истакне од моментот на отворање.
2. Започнете со некое истражување
Ако почнете да го пишувате вашето CV без да истражувате за работните места, се поставувате себеси да не успеете.
Затоа, посетете ги работните места, прелистајте низ многу релевантни огласи за работа и направете листа на најчестите барања за кандидати што постојано се појавуваат.
Можете истражувањето да го направите на Bintern.com, да пребарувате и разгледувате работни позиции.
Сега сте опремени со листа што ви покажува што точно сакаат да видат регрутерите во вашето CV – што ве става пред повеќето други кандидати на пазарот.
3. Погрижете се вашето CV да биде лесно за читање
Ако вашето CV е тешко да се прочита, тоа ќе биде лош знак пред регрутерите.
Со тоа што ќе го направите вашето CV лесно за читање, ќе ги задоволите читателите и ќе бидете сигурни дека ќе можат брзо да ги изберат потребните информации.
Користете едноставен фонт
Не ги комплицирајте работите со користење на фенси фонтови. Можеби изгледаат елегантно, но можат да бидат вистинска главоболка за регрутерите ако го отежнат читањето на вашето CV.
Јасно дефинирајте ги секциите
За да им го олесните читањето на вашето CV, јасно поделете го на логични делови/секции со задебелени наслови, конзистентно растојание, па дури и граници.
Поделете го текстот
Делењето на текстот во вашето CV прави многу попријатно искуство за читателот.
Чувајте ги параграфите кратки и остри и избегнувајте да пишувате важни информации во големи делови од текстот.
Користете подточки (bullet-points) во текот на текстот за да овозможите полесна навигација со око.
4. Покажете ја вашата вредност со факти и бројки
Ако навистина сакате вашето CV да се истакне, тогаш треба да им дадете на работодавците некои вистински цврсти причини за да ве вработат. Најдобар начин да го направите ова е, со факти и бројки што можат да се користат за мерење на вашата ефикасност.
Поконкретно, бројки кои го покажуваат вашето влијанието што сте го направиле на претходните работни позиции.
На пример работи како што се:
Износ на генериран приход
Потребно време за да се заврши еден проект
Извршени работни задачи
Додавањето на бројки и факти како овие, им дава на работодавците реални примери за што може да го очекуваат кога ќе ве вработат.
Ако сакате да научите повеќе информации околу пишување на CV, можете да ги добиете со кариерното советување на Bintern кое можете да го пронајдете на овој линк.