Кои карактеристики ги поседува секој добар лидер?

Во овој блог ќе видиме кои се тие вештини што можат да бидат совладани за да постаниме успешен водач или упешен менаџер / лидер, тоа се менаџерски вештини.

• Решителност

Решителноста е прва особина која го дефинира секој успешен лидер. Да бидеш решителен значи дека треба да си одлучен, одлуките да ги донесуваш брзо и ефективно.

• Флексибилност

За да бидеш флексибилен, најпрво треба да си снаодлив и да размислуваш во моментот. Лидерот неопходно е да ја поседува способноста да реагира на различен начин во зависност од условите.

• Креативност

Без иновации и размислување „надвор од кутијата“ тешко е да се напредува. Лидерот како водач на тимот ја носи улогата и на творец на нови идеи и предлози. Искористи го максимумот на десната мозочна хемисфера и твоите лидерски способности ќе го достигнат врвот.

• Самодоверба

За да ти верува тимот, мора да си веруваш и самиот. Секој лидер треба да има доверба во себе си и во сопствените можности и способности. Така најлесно тимот ќе ја следи твојата иницијатива.

• Позитивен став

Позитивниот став не е нешто со кое човек се раѓа, туку е вештина која може да се научи. Да се има позитивен став кон работата, студиите, приватниот живот и тоа како придонесува кон добро лисерство.

• Трпение

Трпението е клучен аспект од лидерството. Не смееш да си дозволиш да изреагираш бурно или да повишиш тон. Добриот лидер требе да биде одлучен, но секогаш приземјен и стабилен.

• Постојаност

Неконтинуираноста не е клуч за успех. Биди непоколеблив, цврст и упорен во твоите зацртани цели. Така твојот тим ќе има доверба во твоите одлуки и ќе ги слуша твоите совети.

• Сигурност

Биди самоуверен! Ако си сигурен дека ги имаш вистинските цели и стигнуваш до нив според замислите, ќе зрачиш со самодоверба. Тоа е добар пример како да ја добиеш довербата на тимот.

• Објективност

Потруди се да бидеш реален и да не заземаш страни заради сопствените приватни причини. Кога се работи за успешно водење на тим, доста е важно да се биде непристрасен и да не се бираат „миленици“.

• Одговорност

Одговорноста значи да се има способноста да се сносат обврски за совесно и добро извршување на применетата должност, работа, задача со прифаќање да се одговара за лошото извршување, грешките и неуспехот. Пренесувањето вина за доживеан неуспех доведува само до неслога помеѓу лидерот и тимот и евентуално до понатамошни грешки и само по надолна линија на долгорочен план. Прифати ги одговорностите кои ти ги носи  функцијата на лидер, само така и ќе успееш!

Bintern платформа која ги поврзува студентите и дипломците со компаниите за пракса и работа.

Регистрирајте се веднаш на bintern.com